Imperialisim venit


Pueste intassade: alc che al jere restât indaûr ma che o ai propit di segnalâus….


Se o pensavis che nome Bolzonello al sbaràs monadis, leieit lis primis dos riis di chest articul dal «Corriere del Veneto», li che si dà par sigûr che Pordenon al sedi in Venit!!!
Complimentons ae gjornaliste Gabriella: (gabimp[gubanute]tin.it).

Par reazî a cheste e altris balis dal gjenar, nuie di miôr che lâ doman miercus ai 8 a Udin aes 18 (ore taliane) li de Cjase de Contadinance sul Ciscjel a Udin a viodi la presentazion di «Venezia Giulia. La regione inventata»

Finalmentri un libri che a ‘nd conte cualchidune di juste. E compraitlu, magari, invesit dal «Corriere del Veneto».




Tramais


Udin prime in classifiche: nô lu speravin, pai gjornaliscj talians une sorprese. (foto FAntats Furlans)


Stant cemût cje e jere la classifiche, nô furlans o vevin sperât che si realizas il primât de Udinese, cun cualchi risultât favorevul. E i gjornaliscj talians?

O soi stât propit atent, chest colp. Ducj a disi che la Lazio, l’Inter, il Napoli, parfin il Catania a vevin la pussibilitât di lâ prins: su sîts, gjornâi, tv. Da ultim clamorôs Bruno Longhi al TG5 des 13 di domenie – un par solit precîs – che al nomene ducj e di dut e al met Udinês-Turin nome “a completâ il program” de zornade. Ancje vuê mi tocje meti il link a udineseblog.it (grant blog, dutcâs) par vê un titul sul Udin parcè che tai titui dai sîts talians chel che al è sucedût al è nome la sconfite de Juve.

Di no crodi! Ma cemût isal pussibil?

La spiegazion e pues jessi nome une, cun buine pâs di ITalo: no nus considerin in Italie!

Insome, l’Udinês: une scuadre furlane, di nivel european, cjapade dentri tal tramai… dal campionât talian! 😀

IL WEEKEND NO SI LAVORE…



Il ministri Zaia al à vût dit che l’Italie no vûl i Ogm, ma che «in Friûl al si pues provâ». E dopo cualchidun al à coragjio di dî che nus vuelin gjavâ la specialitât!

…fasinsi une ridade. Stant che no sin a plen regjim, intant o tachi a butâ fûr un tic di pueste che si è intassade achi tal ufici de ILfurlanist. Ve ca une vignete fate cualchi setemane fa pe «La Vita Cattolica».

(grazie a la sommelier furlane, li che o ai discuviert la notizie)



Urbi et orbi


Ve ca il mès dal webmaster mecanic


Come imprometût ve ca un messaç rasicuratîf de bande dal Uèbmaster (il mecanic, insome) che al à di fâ su il blog miôr di prime. Sburte che ti sburte, lu ai fat esponi. Jo no ai capît tant, ma o pensi che i plui studiâts e tecnologjics a saràn rasicurâts di tante sience…

(La frute chi in bande no à nuie a ce fâ cu la dite dal mecanic)

Cjars Internauts,

cheste istât la nestre imprese al à scomençât i lavôrs di risistemazion dal blog logât al recapit internet http://ilfurlanist.splinder.com/. Il progjet previôt il trasferiment dal blog intune gnove plataforme di blogging, ven a stâi il software che si dopre par fa funzionâ il blog. Il gnûf software che o vin decidût di doprâ al è WordPress(.org), la plui impuartante plataforme redâzional dal moment, amancul in Europe (in Americhe di fats a doprin une vore ancje un software che si clame scoop -> http://scoop.kuro5hin.org).

O speravin di rivâ a finî i lavôrs dentri dal mês di setambar, ma dai fastilis nus a fat intardâ. Par la cuâl vi domandin zentilmentri di puartâ pazienze inmò fin a la fin dal mês corint.

I Mecanic(s)



O sin daûr a lavorâ


Ancjemò un tic di pazienze…


O vês tant vaît che il blog si sierave e dopo nome Norman îr – 1 di otubar – al mi à mandât une mail di proteste parcè che no lu ai tornât a vierzi! Vergognaitsi.

Par cumò no si torne a vierzi a plen, parcè che o vin pensât di tornâ plui fuarts di prime, ma tantis robis a son ancjemò di meti dongje ben. O dopri il plurâl parcè che al mi judarà un webmaster di gale (foto parsore) a rinovâ la inmagjin dal blog.

Doman o pasant o fâs fâ un messaç su a ce pont sino dai lavôrs, che ancje jo o soi curiôs… grrr…

PS: Però, intant… coments libars! YAHUU-UHH!
Logorroic, ‘la setu?



Polse estive pal blog


4 mês di pause par ILfurlanist, par ricjamâ lis bateriis e viodi ce che al sucêt


O sin a mai e i palinsescj de television a gambìin, cun tantis impuartantis trasmissions che a van in polse. E alore cui isal ILfurlanist par fâ di mancul?

Isal mancul impuartant di un «Chetempochefà», di Chiambretti, di une «Domenicain», di Vespa o Mentana? Sigûr la pensais come me: NO!

E alore chest an, sieradure stagjonâl ancje pal vuestri blog preferît.

Ancje parcè che o ai masse impegnos e no rivi plui a seguîlu ben, e alore pluitost che fâ une robe mâl, miôr no fâle e dâsi un moment di polse.
Ancje par ripensâ un moment i contignûts, che a stan deventant masse nerdlenghistics impen dal vecjo bon infotainment, che al jere il cjaval di batae dal blog.

O met i coments sierâts in chest “post” parcè che i adiu no mi plasin ;-). Se o vês alc che us pice, vulintîr la mail e reste ative (ilfurlanist[gubanute]gmail.com).

Mi splâs par chei che lu considerin tant che un pont di riferiment, ma sarès ore che a ‘nd nassessin altris: viodìn se cheste sieradure e sarà un stimul (o magari si scuvierç che si sta ancje miôr cence :-D).

Lis feriis a laran indevant fint a dut setembar, si ri-viarzarà al 1 di otubar, dopo ancje Friuli Doc, par tornâ plui fuarts di prime o par il mandi definitîf 😉

IL WEEKEND NO SI LAVORE…

…fasinsi une ridade cui Gnognosaurs.
Gnove storie!!!
«Cemût sono nassûts i Gnognosaurs?
Cemût si sono incuintrâts jenfri di lôr? Cumò une storie a pontadis nus disvele il principi des lôr aventuris!» CUATUARDICESIME PUNTADE


Par viodi lis strichis frache achi il pop-up

La storie e ven fûr su la riviste par fruts Alc&Cè,
suplement mensîl dal setemanâl «La Vita Cattolica».
(Disens: Dree. Tescj: Bete aka leetah)




Il riç internazionalitari inzornât


Gnovis su lis nazions cence stât
Il blog di Internazionalitari al è stât inzornât cu lis gnovis trasmetudis su Radio Onde Furlane martars.
Ve ca la liste des gnovis metudis sù.

– Galizie: 25 mil personis in place pe lenghe

– Rom: la OSCE e denuncie la situazion in Italie

РFrance: une le̤ pes lenghis minoritariis, ma cence modific̢ la Costituzion

– Scozie: i Laburiscj a ziruchin sul referendum

– Romanie: e jentre in vore la Cjarte europeane

РGalizie: r̻t di blogs pe lenghe

РPąs Catalans: imigr̢ts al centri de bataie pe lenghe

– Galizie: contribûts aes impresis ancje daûr dal ûs dal galizian

– Galizie: dizionari su lis gnovis tecnologjiis

– Macedons: gnovis intimidazions in Bulgarie

– Romanie: si domandin soiârs plui bas pal ûs dal ongjarês

РRomanie: inv̨t ae diaspore todescje a torn̢ in Transilvanie

РAsturiis: in mi̢rs in place a pro de uficializazion dal asturian

– Paîs Basc: sì de UE a di un sisteme fiscâl diferent

РGales: ancje lis Puestis a varan di trat̢ compagn gal̻s e ingl̻s

РPąs Catalans: campagne a pro de scuele par catalan tal Pąs Valenzian