»»» Elezions
Yes, si pues
L’assum de Çampe l’Arc di S.Marc e di Furio Honsell pal plurilinguisim
Vinars ai 04 di Avrîl aes 14.00 alì di Caucigh, in Vie Glemone 36 a Udin, la Çampe l’Arc di S. Marc e il candidât sindic di Udin, Furio Honsell (te foto), a organizin un incuintri public sul teme de politiche linguistiche. Pe Çampe l’Arc di S. Marc a fevelaran, Kristian Franzil, candidât al consei regjonâl, e Federica Angeli, candide aes comunâls. Cun di plui al sarà presint Renzo Pascolat, candidât autonomist te liste Honsell. 
I candidâts a presentaran lis lôr posizions in materie di politiche linguistiche, e si confrontaran cui citadins e chei che a lavorin in chest setôr. Si partìs de analisi di ce che al è stât fat intai ultins agns di bande de aministrazion comunâl, soredut in gracie dai fonts de L. 482/99 Normis in materie di tutele des minorancis linguistichis storichis, par rivâ a discuti dai progjets che il candidât sindic, Furio Honsell, al intint realizâ par garantî la metude in vore des leçs statâls e regjonâls in materie di tutele des minorancis.

Advertisements