La Universit^at dal Friûl
che fâs ben a Triest


La Universitât dal Friûl nol fo un dirit pai furlans, ma e fo dade in gambi di gnovis par chê di triest

Îr a erin trente agns dal decret dal President de Republiche Taliane
costitutîf da la Universitât di Udin. Al zove segnalât un fat dal
passât ma forsi no ben cognossût: par cui che al veve sintût dî che Triest nus veve lassât vê la Universitât dome in cambio di cetancj altris
istitûts di ricercje e al crodeve che e fos une bufule.
Partint di chest linksi scuvierç facil che il titul dal decret al è “Norme sull’Università statale di Udine e sulla istituzione e il
potenziamento di strutture per la ricerca scientifica e tecnologica, di
alta cultura ed universitarie in Trieste”.
Il scambio al è stât adiriture contestuâl, tal stes at!

In cambio Triest e à vût:

1) la Sissa

2) il consorzi che dopo al à dat vita a Area Science Park

3) la scuele par interpreti

4) un potenziament dal coleç dal Mont Unît

5) une scuele di specializazion in tecnologjiis biomedichis

In alegât (fracait su la letarute) o cjatais il DPR dal 6 di Març 1978 che ài cjatât in rêt dulà che a si cjate conferme di ce che ài scrit parsore.

Sigûr la ecelence, par esempli, de Sissa e
di Area Science Park (che e à dentri encje un rapresentant de
Universitât di Udin) e je positive encje pal Friûl. Ma si reste a viodi cemût che a chel timp (e vue?) a vegnivin dividudis lis
risorsis necessariis pe incressite dal teritori jenfri Udin e Triest.

Ancje achi si capìs la mentalitât triestine ancje a proposit de leç su la lenghe furlane: va ben al furlan (ancje se al è un dirit, atuazion di une leç dal Stât) a pat di vê beçs pal triestin (no ricognossût di nissun)!!!

Oviamentri, nô furlans cidins cidins…20080305 DPR 102 6 marzo 1978 istituzione università di Udine

Advertisements