Zornade Furlane
dai Dirits


Doman, intal inovâl dal riviel dal 1511, zornade par rifleti sui dirits dineâts in Patrie


Ai 27 di Fevrâr dal 1511 si invià il riviel plui grant de storie furlane. Dâts dongje in bandis di vuerilie, i contadins a derin l’assalt e a brusarin i cjistiei e i palaçs de nobiltât ator par dute la Patrie dal Friûl.
La insurezion e fo scjafoiade intal sanc, ma e judà a infuartî la cussience des comunitâts rurâls furlanis che, contrari di ce che cualchidun al va dilunc a contâ, no jerin pipinots mugnestris tes mans dai sorestants di in chê volte, ma sogjets impegnâts intune lungje lote par difindi i lôr dirits.
Par chest si à sielzût la date dai 27 di Fevrâr par celebrâ la Zornade Furlane dai Dirits.

Radio Onde Furlane lu fâs cuntune programazion speciâl.

Advertisements