Ce che al supe Triest!


La ripartizion teritoriâl dai paiaments regjonâi e favorìs Triest


Ju abitants de provincie di Triest a cjapin la percentuâl plui alte di contribûts regjonâi. Lu à confermât il scandai “Ripartizione territoriale dei pagamenti regionali”, prontât de Regjon a rivuart dal 2005. In chel an, sun 3 mil 379,7 milions di spese 813,5 milions a son stâts destinâts a Triest (il 24,1% a pet di une popolazion dal 19,8%). I contribûts par Udin a son stâts mil 462,6 milions (il 43,3% a pet di une popolazion dal 43,8%). Dal 2000 al 2005, i contribûts par Udin a son cressûts dal 20,8%, chei par Triest dal 17,4%. In Friûl orientâl, impen, si à registrât une diminuzion dal 10,8%.