cormor1 Cormôr Salvadi 2007! Une edizion articolade e une vore interessante. Si tache vinars ai 12 di otubar te Vile di Varmo (biblioteche) a Mortean cuntun incuintri dal titul " Identitâts  liguistichis, produzion musicâl e promozion dal teritori". (Ca sot o cjatais l’"introduzion" a le cunvigne). La manifestazion e larà indenant a Chiasiellis (lì de area Festintenda) cun concerts, poesie, mostris, presentazions, teatri … e dopo ce ? Beh par no dismenteâmi nie  chi in bande cjatais il program complet depliantcormor    

MORTEAN (UD) VINARS AI 12 DI OTUBAR 2007

VILE DI VARMO (BIBLIOTECHE CIVICHE)

 

 

Cunvigne su:

Identitâts linguistichis, produzion musicâl e promozion dal teritori

 

 

Une des manifestazions de vitalitât culturâl di tantis realtâts europeanis, caraterizadis dal ûs di lenghis diferentis di chês maioritariis, e je rapresentade de produzion musicâl intes lenghis di minorance e dai riferiments a lis lôr tradizions culturâls. Al è il câs, par esempli, dal Paîs Basc, dal Gales, de Bretagne, de Corsiche e de Sardegne. Cheste carateristiche e je ben presinte ancje in Friûl, dulà che di un pâr di desenis di agns in cà (ma si podarès tornâ indaûr fin ai agns Setante o prime) une vivarose sene musicâl leade a lis lenghis (furlan ma ancje sloven e todesc) e a lis diferentis declinazions sonoris dal teritori.

Al è interessant fermâsi su chest fenomen par cjalâlu di plui bandis. Di une bande al rapresente une forme di resistence culturâl di comunitâts che sul plan linguistic, sociâl e economic a son stadis (e/o a van indenant a sedi) minorizadis. Di chê altre i riferiments a specifics background musicâi e l’ûs de proprie lenghe a conferissin a lis propuestis musicâls un caratar di origjinalitât e di inovazion. Cundiplui chestis produzions – discs, videoclip, ma ancje events musicâi specifics – a puedin contribuî a promovi la imagjin dal teritori sedi dentri – tant che riscuvierte o rignuviment de identitât – sedi fûr, tant che scuvierte, cognossince e preseament di une comunitât teritoriâl, etniche, linguistiche cu lis sôs particolaritâts no dome culturâls ma ancje ambientâls, socioeconomichis, enogastronomichis e v.i.

Lis dimensions che a disvilupin chestis interazions a puedin sedi tantis: la specificitât linguistiche tant che valôr zontât pe produzion musicâl e pe organizazion e promozion di events e tant che element di promozion dal teritori intune dimension europeane.

Te cunvigne si larà indentri te situazion locâl, metintle ancje a confront cun cualchi esperience davuelte in Italie e in Europe, cu la finalitât di promovi l’ûs des lenghis minoritariis in chest setôr ma ancje di fâ cognossi iniziativis e ativitâts locâls in altris minorancis linguistichis.

 

 

 

Program

 

A lis 10.00

– Salûts istituzionâi

 

Intervents di:

Marco Stolfo (Diretôr dal Servizi Identitâts Linguistichis e coregjonâi tal forest, Regjon Friûl Vignesie Julie)

“La lenghe e je la clâf… di violin”

 

Alessandro D’Osualdo (Publicitari, espert di marketing)

“Par une musiche furlane plui fuarte. Piçulis indicazions di marketing”

 

Valter Colle (Produtôr musicâl, Nota Records)

“Gnove musiche pal marcjât? Il rapuart (im)pussibil fra la gnove musiche furlane e un marcjât in cambiament radicâl”

 

Priscilla De Agostini (Ricercjadore CIRF, Universitât dal Friûl)

"Il furlan jenfri ûs e percezion. Esperiencis e ricercjis dal Centri Interdipartimentâl di Ricercje su la culture e la lenghe dal Friûl"

Andrea Venier (Diretôr dal mensîl La Patrie dal Friûl, blog Il Furlanist) e Stefano Taboga (rubriche «La Pagjine Tecnologjiche su La Patrie dal Friûl, responsabil web di Genertel)

“Musiche e internet: situazion e gnovis ocasions”

 

A lis 12.30

Minority videoReport (selezion di videoclip intes lenghis minoritariis europeanis) par cure di Massimo Garlatti-Costa

 

Buffet

 

A lis 14.30

Lenghis, musiche e teritori in Europe

 

Intervents di:

Elena Giordanengo e Maurizio Giraudo  (Agenzia Viatge d’Oc, musiciscj dai Gai Saber, Ocitanie)

“Lenghe e musiche: il valôr zontât di un viaç tes vals ocitanis. Dal progjet musicâl Gai Saber ae propueste turistiche di Viatge d’òc” 

“Lenga e música: la valor en mai d’un viatge dins las valadas occitanas. Da lo projecte musical Gai Saber a la prepausa torística de Viatge d’òc

 

Onno Falkena (Radiotelevision Omrop Fryslân, Frisie)

“Liet International: un eurofestival de cjanzon tes lenghis minoritariis”

 

Lenghis, musiche e teritori in Friûl

Dibatit moderât di Andrea Ioime (Il Friuli) cu la partecipazion dai promotôrs dai principâi festival musicâi dal teritori

 

A lis 21.00

Conciert (Tendon Festintenda) jentrade libare

Gai Saber (folktroniche, Ocitanie)

R.Esistence in Dub (reggae dub sound system, Friûl)

 

 

 

 

Organizazion/Organizzazione

 

Circul Il Cantîr – Mortean

Tel. 0432 760585

www.festintenda.it

www.cormorsalvadi.it

 

Informazion Furlane

Tel. 0432 530614

Info 329 6061087

ondef@friul.it

 

 

Advertisements