»»» ILfurlanist cinematografic
Farcadice a Felet
Dopli apontament cui documentaris su la emigrazion
Te zornade che e ricuarde lis vitimis de tragjedie te mine di Marcinelle, (ai 8 di Avost dal 1956) dopli apontament cul cine documentaristic dedicât ae emigrazion furlane.

Miercus ai 8 di Avost dal 2007 aes 21.00 li dal Parc di Vile dai Tinins (o in auditorium, se al plûf) a saran proietâts 2 documentaris su la emigrazion furlane realizâts di Carlo Della Vedova e Luca Peresson (te foto), vincidôrs dal premi Appi 2006:

Farcadice: Diari di viaç – Charleroi (Belgjiche) e Umkomaas (Sudafriche)

Charleroi e je une citadine belgjiche, Umkomaas e je une citadine sudafricane: tant lontanis tra di lôr ma che dutis dôs a forin mete di une vore di furlans, costrets a emigrâ par cjatâ lavôr. E tancj emigrants a son restâts là vie creantsi une lôr vite lontan dal Friûl, ma mantignint un leam cu la tiere dai paris. A saran presints i regjiscj par comentâ i documentaris insiemit al public.

In câs di ploie, la proiezion e sarà fate in auditorium a Felet

Advertisements