CISCJERNEMiarcus ai 25/07/07: Tîr de cuarde a Ciscjerne. A erin las 9 in pont chi eri lì a Ciscjerne, inviade speciâl dal me ami Luca, par viodi la seconde edizion dal torneo di Tir da cuarde tra frazions organizzât das varies associazions  dal comun di Cosean. Dopo la fantastiche edizion all’esordio a Baracêt l’an passât, chiste volte al è stât scielt di svolgi la manifestazion in un atri ambit dal comun, dulà che il puest a si preste par riunì tante int atôr dal campo di gare e finile in glorie cuntun rinfresc.  Las scuadres già prontes a da sfoggio da lôr potence a erin ingrumades ognune in tun cjanton e si davin i ultims conseis par la gare. A erin certs armârs  grancj e  grues che a soflavin e scalpitavin par l’atese tant che l’incredibile Hulk, certs atris tirâs dongje l’ultim moment par fâ numar che a vevin lasciât la cene a mieç e plens di fam, certs emigrants convocâts che a vevin cjapât feries par rientrâ in paîs e in scuadre pa l’ocasion, certs atris che su consei dal mister a supavin une cidele di no sai ce, ma mi par tant che a ere blu e cò j aj sintût jo che  il mister ur a dit che servive par tirà di pui si pò nome vê il suspiet di ce ca   fos…. insome un spetacul in pompe magne! I incontros a son stâs sufierts e plens di grinte da part di ducju e un compliment special al va a chei di Maseries, che cun la lor fuarce di volontât plui di che di braçs, a son rivâs a rifasi da magre figure di l’an passât risalint la graduatorie  di ben doi puest e a montâ sul podio. Dopo il svolgiment di ducj i incontros la classifiche e à decretât vincidôrs chei di Ciscjerne (ndr :chei ca supavin…) denant al Nearêt, Maseries, Baracêt e Cosean.
Mandi Ines.
Advertisements