Biel Cjossolant

Al jere di un moment che no fasevi un un biel girut in biciclete, cussì no ài podût fâ di mancul di acetâ un invît di percori une strade blancje che mene di Flaiban a Codroip. Ta strade alberade, ben segnalade si à la pussibilitât di podê cjapâ tantis deviazions. Rivâts a Vile Manin o vin scuviart cetancj itineraris si puedin fâ dulintôr Codroip.   No soi rivât a cjapâ dai volantins, ma dome seguint lis indicazions di un ami o vin fat une scjampade tal Parc des Risultivis e, daspo percorût la vie dai Mulins vie vie fin a rivâ a Musclêt, o vin podût gjoldi de viste de (a me scognossude) Vile Colloredo Mels. 50 km. in trancuilitât, tra i paesaçs de campagne furlane,  cun aiars, profums, piçui nemai,  ch’o vevi scuasit dismenteât.

Il biel stradon tra Flaiban e Codroip.

 

Risultive a Codroip

Un dai mulins a sud di Codroip

 Vile Colloredo Mels a Muscêt

 

Advertisements