Memoriis pal 3 di avrîl

Li dal CJISTIEL di Colorêt di Montalban


Martars ai 3 di avrîl aes vot e mieze di sere

pe fieste de Patrie dal Friûl

tal CJISTIEL di Colorêt di Montalban

cul patrocini di COLLINA & CULTURA, le Associazion culturâl El Tomât di Buje e presente

STORIIS DI CONTÂ e DI CJALÂ

presentazion dal libri di Carli Pup

«MEMORIIS PLATADIS – olmis di storie te narative popolâr furlane» e
presentazion dal DVD dai CINES di Walter di Sefe
Documentaris e cines di Walter Luciano Pauluzzo 1944-1956
Par info su lis oparis

“MEMORIIS PLATADIS : olmis di storie te narative popolâr furlane” : il studi di Carli Pup su la narative popolâr furlane al dâ un cuc in gjenerâl sui sottemis principâi (mitologjie popolâr, contis di paîs, a sogjet religjôs, di pôre, e v.i.), ma si centre soredut sul rapuart tra storie e narative. Si fronte la presince di fats e personaçs storics inte narative popolâr furlane cirint di capî ce che al è jentrât tal patrimoni coletîf e ce che invezit si à pierdût; cirint di capî cemût mai che cierts episodis storics che a àn segnât a fuart la societât furlane no vedin cjatât spazi inte narative popolâr. proponint une riflession su la cuistion poiantsi su cualchi esempli precîs. Par esempli l¹episodi che plui di ducj al pues judâ a capî la societât furlane in ete veneziane al è il riviel de Joibe Grasse dal 1511, dal moment che al met adun doi dai temis centrâi di chei agns, ven a dî lis faidis nobiliârs e lis tensions sociâls … in ocasion de Joibe Grasse la citât di Udin e je sfodrade di int…une colone di contadins des Cernidis, tornade di une sbrisse fûr citât là che e jere stade segnalade la presince di soldâts imperiâi, si cjate tal mieç di un scuintri tra i partidants des dôs fazions nobiliârs… di Udin lis flamis de rivolte si slargjin pal Friûl… i contadins a cjapin, a metin a sac e a brusin i cjistiei di Breçà, Cergneu, Cjaurià, Colorêt, Cusan, Çopule, Darcjan, Feagne, Madrîs, Murùs, ………..

Carli Pup (1973), dal Serling .e de Coop Inform. Furlane-Radio Onde Furlane, redatôr gjornalistic, coretôr e tradutôr; .al à voltât par furlan Il diari di Bobby Sands e publicât articui su diviers periodics; aAl à colaborât al progjet dal dizionari bilengâl talian-furlan dal C.F.L. 2000 e ae realizazion dal Coretôr Ortografic Furlan. .Pal Tomât al à vût scrit le postfazion di INT di MASNADE, opare di A.Negro e propit doi tescj teatrai di Alviero Negro (gjavâts fûr di Strumirs e Zamberlans e di Int di Masnade) e son lis leturis teatrals di cheste serade de Fieste de Patrie dal Friûl tal Cjistiel di Colorêt di Montalban.

Il DVD dai “cines di Walter di Sefe” al ten dentri ducj i cines di Luciano Walter Pauluzzo (n.1920) dai ricuarts di vuere ai documentaris tirats jù dal 1944 al 1947, da lis comichis peadis ai personagjos de tradizion furlane a lis peliculis cun storiis fantastichis o tragichis; 15 titui par passe une ore e mieze di cine : Walter di Sefe a Buje subite dopo le vuere dal ’45 al gire, in pelicule in blanc e neri, cu le int dal borc, “la Guerra in Friuli” e podopo simpri cu la int e cun mieçs di furtune “la femine di Todero” e tantis altris storiis ma ancje le vite di ogni dì: “neorelismo furlan” e fantasies nassudes de vite e dal cine viodût di frut; storie cjalâde cui voi di un regjist inamorât dal cine e de fotografie; documents di vite di ogni dì zirâts plui di cincuante agns indaûr: un patrimoni de culture e dal cine furlan.

Advertisements