»»» FRULi…brarie: alc conseât di Christian
La Odissee di Omêr par furlan
Lei par fevelâ, fevelâ par lei
MIercus ai 4 di Avrîl aes 18.00 li de Sale Ajace in Place Libertât a Udin, al sarà presentât il libri "Odissee di Omêr", voltât par furlan di Pierluigi Visintin e Alessandro Carrozzo (Kappa Vu Edizioni).
A saran presints: Pierluigi Visintin, Alessandro Carrozzo e Alessandra Kersevan
Cheste e je la prime traduzion integrâl di un classic dopo chê de Eneide curade dal gurizan Bosizio tal ‘700.
Une traduzion integrâl cun test in bande de opare di Omêr, une traduzion leterâl e filologjiche, in esametris furlans che a mantegnin il ritmi esat dal origjinâl grêc. Pierluigi Visintin e Alessandro Carrozzo, dopo une vore di 8 agns a son rivâts a finî la opare di traduzion.
Un apontament di no pierdi!

Achì un met une cerce dai prins viers:

L’om tu cjantimi, Muse, / espert tant di tramis, che tant
al ve di clopâ, sdrumade / la sacre roche di Troie:
di tancj oms al viodè / lis citâts e al savè il pinsîr,
tancj dolôrs sù pal mâr / al patì intal so spirt
par sigurâ e la sô vite / e il tornâ dai compagns.

Advertisements