Minorancis in Slovenie

La tutele des minorancis in Slovenie. L’articul, realizât di Lenghe.net, al jes tal numar dal mensîl «La Patrie dal Friûl» che cumò al è in jessude. Aboniti sul Cont postâl n. 12052338 intestât a “la Patrie dal Friûl” Glemone

La legjislazion de Republiche slovene tor de tutele
des minorancis lenghistichis (o, come che lis clamin
lôr, nazionâls) e je une des plui indevant in Europe.

La plui part dai principis fondamentâi in materie a
forin metûts dentri za te Costituzion dal 1991 e, vie
pai agns, a àn cjatât atuazion tes leçs e tai Statûts
dai Comuns dulà che a vivin lis minorancis nazionâls
de Slovenie: i talians, 3000 di lôr, che a rapresentin
il 0,2% de popolazion; e ju ongjarês, 8500 di lôr, che
a rapresentin il 0,4% de popolazion.
Prin di dut la
Republiche slovene e à ratificât sedi la “Convenzion
suaze su la protezion des minorancis nazionâls”,
sedi la “Cjarte europeane des lenghis regjonâls o
minoritariis”.

La normative interne di tutele e previôt che i dirits des mino-
rancis a son garantîts “indipendentementri dal numar di parti-
gnints de Comunitât”. Tal Parlament al ven elezût simpri un
deputât par ogni minorance e i provediments che a rivuardin
esclusivamentri une minorance no puedin sei aprovâts cence il
consens dal rapresentant di cheste.
I parlamentârs di minorance
a àn ancje dirit di fevelâ te lôr lenghe intes sintadis dal
Parlament. La lenghe uficiâl de Slovenie e je il sloven, ma tai
teritoris di minorance e je lenghe uficiâl ancje chê des comu-
nitâts linguistichis dal lûc. Cun di plui, ognidun al à il dirit di
doprâ la sô lenghe e scriture cui organisims statâi e locâi e cun
chei che a davuelzin servizis publics. Tes zonis di minorance e je
obligatorie la toponomastiche bilengâl.
Lis comunitâts nazionâls
a àn dirit ae educazion e istruzion te lôr lenghe e a formulâ e
svilupâ cheste educazion e istruzion. In particolâr, la lenghe
taliane e je materie di insegnament obligatori in dutis lis classis
des scuelis slovenis tal teritori di minorance.
Simpri par ce che
al inten la minorance taliane, la sô tutele e promozion e je
demandade, par ogni Comun, ae “Comunitât nazionâl autogje-
stide”, componude dome dai partignints ae minorance taliane e
ricognossude tant che persone juridiche di dirit public. Oltri a
organizâ ativitâts educativis, culturâls, economichis, editoriâls,
la Comunitât nazionâl autogjestide e pues meti il “veto”, dâ
parês preliminârs o fâ propuestis su cuistions che a rivuardin la
minorance di chel Comun. Gjavât fûr di http://www.lenghe.net

Advertisements