Mastro Net

Meti man al peçot cualchi volte nol fâs mai mâl

Idee bielone di chei di Onde Furlane.
Daspò che a son
stadis pituradis svastichis e crôs celtichis su la jentrade de
emitente, la cooperative «Informazion Furlane» – Radio
Onde Furlane e à decidût di fâ une piçule cerimonie par netâ vie chê
cragne.
Vuê, joibe ai 8 di Març a sîs e mieze sot sere (18.30) devant de jentrade di Radio Onde Furlane, in vie Volturno 29 a Udin, par cui che al vûl si pasarà une orute par une «netadure simboliche» dai simbui nazifassiscj piturâts cualchi zornade indaûr.

Advertisements