Bon, vonde: mandiii
A ‘nd ai une sglonfe… O sieri, si viodìn plui vecjos
Bon bon, aromai al jere clâr a ducj che mi soi stufât. Par plui motîfs. Mai stât miôr come te pause estive cence blog, masse impegnos e masse "logorio da la vite di blogarin"😉.

Podopo zontìn che o soi deventât diretôr di «Patrie dal Friûl» e il blog nol jere cussì libar come prin, no tant pal gno ategjament, che o sai separâ lis dos robis.

O ai spietât un pôc che il mecanic al comedàs lis robis par provâ a fâ un gnûf progjet, ma la facende a va un tic a rilent. No rivant a moderâ e a "postâ" cun continuitât, miôr un stop e si viodarà ce che si rive a cumbinâ plui in là. Us invidi intant a lâ simpri di plui su Macôr.

Un grues mandi ai letôrs che jo o definìs "normâi", che il blog al è massût par lôr: chei che magari no comentin par la ataviche pore di "no savê scrivi". Chei che chest blog al à contribuît a fâi scuvierzi tantis robis sul furlan che no savevin e che cheste lenghe e pues jessi trancuilamentri doprade te modernitât.
Anzit: lis ideis furlanistis a si dimostrin puntualmentri ches plui indevant rispiet a la mentalitât provincialote dai sorestans locâi, no nome politics.

Un mandi ancje a chei rompibalis di furlaniscj😉 e ai sticeboris variis😛

A pro
de Universitât dal Friûl/2

Cunvigne par firmâ il pat
LUNEDI’ 27 OTTOBRE 2008ALLE ORE 10.00NELLA SALA DEL CONSIGLIO PROVINCIALE DI UDINE verrà presentato il

                  PATTO TRA L’UNIVERSITA’ DI UDINE E LE RAPPRESENTANZE DEI TERRITORI 

allo scopo di costruire assieme un più stretto rapporto all’altezza delle grandi sfide del futuro.

      Sono invitati tra gli altri l’Assessore Regionale all’Università e Ricerca Dr.sa Alessia Rosolen ed il Presidente della Regione Dr. Renzo Tondo. Continue reading



A pro
de Universitât dal Friûl


Batae pe Universitât dal Friûl, ma che sedi ancje plui furlane


Ancje ILfurlanist al sotoscrîf vulintîr il
document dal Front Furlan par difindi la Universitât dal Friûl che no cate e sedi incressude tanton si cjate a vê dimensionâts i siei fonts ancjemò daûr dal 1993!
Però ILfurlanist nol pues no marcâ che, in gambi di chest impegn di nô furlans, la Universitât dal Friûl si varès di impegnâ a jessi PLUI FURLANE, fimalmentri!

IL WEEKEND NO SI LAVORE…



…fasinsi une ridade cun lis strip di Berto, creadis di Matieu cun toonlet, un program on line che al permet di creâ fumuts ancje e cui che nol sa disegnâ.

Bisugne dî che i personaçs di «Berto» a son veramentri bruts, nancje toonlet al pues fâ meracui, plui bruts dai Simpsons😀

Però l’idee di batudis su une famee furlane che a à a ce fâ cun internet e je interessant e cheste vignete su Twitter mi à fat ridi.



Plat sior


Miercus fis di apontaments in lenghe


Za dit de presentazion de Patrie a Sant Denêl (viôt il post prime), doman miercus ai 15, par chei che e vuelin lâ/restâ a Udin al è ancje un apontament di cine al Visionari



proiezion di
FARCADICE – STORIIS DI EMIGRAZION FURLANE

Farcadice al è un documentari a episodis che al ilustre e al conte la diaspore dai furlans emigrâts ator pal mont e si fonde ator di cuatri vicendis che a àn fat un toc de storie dai nestris conazionâi.

CINE VISIONARIO MIERCUS AI 15 DI OTUBAR

dos proiezions H. 17.30 – 20.30

JENTRADE LIBARE



Une Patrie… ladine


Miercus a San Denêl presentazion dal gnûf numar di «La Patrie dal Friûl»

Miercus ai 15 di Otubar a Sant Denêl, li de biblioteche Guarneriane, a vot e mieze di sere (20,30 ore taliane) serade di presentazion dal ultin numar de Patrie dal Friûl.

Si fevelarà dal gjornâl (rivât in chescj dîs a cjase dai abonâts) e dal speciâl di chest mês di otubar: Achille Tellini e i ladins.

A intervignaran:

Dree Venier, diretôr di “La Patrie dal Friûl”: Il numar di Otubar – Speciâl su Achille Tellini e i popui ladins;

Donato Toffoli, ricercjad̫r: La figure di Achille Tellini (1866 Р1938);

Renzo Balzan, diretôr de riviste “Ladins dal Friûl”: I rapuarts interladins îr e vuê

William Cisilino, president dal Istitût Ladin Furlan “pre Checo Placerean”: Lenghis dai Ladins e il cuadri normatîf di tutele;

Vigji dal Piçul, conseîr dal istititût “Achille Tellini”: Une associazion in non dal pari de idee di Nazion Ladine.

Follow

Get every new post delivered to your Inbox.